Fransa Prezidenti Emmanuel Makron Ermənistanın şimalında yerləşən Gümrü şəhərinə səfər edəcək.
Bizim.Media xəbər verir ki, bu barədə "Armenpress" agentliyi məlumat yayıb.
Məqalədə qeyd olunur ki, Fransa liderinin səfəri 5 may tarixində baş tutacaq. Gümrünün Vardanants meydanında Ermənistan və Fransa arasındakı dostluğa və mədəni əməkdaşlığın dərinləşməsinə həsr olunmuş böyük konsert keçiriləcək.
Xatırladaq ki, bu, Makronun 2018-ci ildən bəri Ermənistana ilk rəsmi dövlət səfəridir. Səfər zamanı iki ölkə arasında strateji tərəfdaşlığa dair sənədin imzalanacağı da gözlənilir.
Bizim.Media
