
- A-
- A
- A+
Badamarda təhlükə böyüyür – Sürüşmə daha da aktivləşdi
Səbail rayonu, Badamdar–20-ci sahədə aparılan növbəti monitorinqlər zamanı əvvəl qeydə alınmış nəticələrlə müqayisədə sürüşmə sahəsində çatların bir qədər də genişləndiyi və aktivliyin davam etdiyi müəyyən edilib.
Bu barədə Dövlət Mineral Xammal Ehtiyatlarından İstifadə Agentliyinin məlumatında qeyd olunub.
Bildirlib ki, ərazidə vəziyyətin dinamikası izlənilir.
Qeyd edək ki, Bakı şəhəri, Səbail rayonu, Badamdar qəsəbəsində torpaq sürüşməsi qeydə alınıb.
Bununla əlaqədar, vətəndaşların təhlükəsizliyinin təmin edilməsi üçün FHN Tikintidə Təhlükəsizliyə Nəzarət Dövlət Agentliyi tərəfindən aidiyyəti dövlət qurumlarına sürüşmə prosesinin dinamikası və aktivliyinin artması ehtimalı nəzərə alınaraq, ərazidə olan insanların təhlükəsiz yerə təxliyə edilməsi və yaxınlıqda yerləşən obyektlərin fəaliyyətinin müvəqqəti məhdudlaşdırılması istiqamətində müvafiq tədbirlərin görülməsi məqsədilə rəsmi müraciət edilib.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.





























































































