Rusiya Prezidenti Vladimir Putin Ukraynanın Donetsk vilayətində nəzarətində qalan ərazilərlə bağlı açıqlama verib.
Bizim.Media xəbər verir ki, Putin bu barədə RT telekanalının aparıcısı Rik Sançesin sualını cavablandırarkən danışıb.
“Əgər ərazilərin itirilməsi qaçılmazdırsa, Kiyev üçün onlardan yapışmağın mənası varmı?” – sualına cavabında Putin bildirib ki, Kiyev Ukraynanın nəzarətində qalan Donetsk vilayəti ərazisinin 11 faizi naminə insanların təhlükəsizliyini və həyatını riskə atır: “Bu ərazilərin itirilməsi onsuz da qaçılmazdır, bəs nə üçün onlardan belə yapışıblar?”
Rusiya lideri həmin ərazilərin gözləniləndən daha tez Rusiyanın nəzarətinə keçəcəyini iddia edib.
“Burada söhbət həmin ərazi parçasından getmir – söhbət insanlardan gedir. Məsələ ondadır ki, biz sadəcə atəşkəs üçün deyil, uzunmüddətli və tarixi perspektivə hesablanmış sülh üçün şərait yaratmalıyıq. Bizə yalnız bir tərəf üçün deyil, hər iki tərəf üçün təhlükəsizlik təminatları lazımdır”, – Putin qeyd edib.
Bizim.Media
