COP29-a hazırlıqlarla bağlı VİDEOÇARX hazırlandı

Bu ilin noyabrın 11-22-də Bakıda keçiriləcək COP29 konfransına hazırlıq prosesi ilə bağlı videoçarx hazırlanıb.

Bizim.Media xəbər verir ki, görüntülər COP29-un "X" hesabında məlumat paylaşılıb.

“COP29-a hazırlıqlar fasiləsiz davam edir.

Noyabrın 11-22-də dünyanın diqqətini çəkəcək COP29 konfransına 13 gün qalıb. Ev sahibliyi etdiyimiz bu böyük tədbir üçün məkanın hazırlanması cəmi 9 ay çəkdi və biz artıq bütün hörmətli qonaqlarımızı Bakıda qarşılamağa hazırıq.

Gəlin COP29 həyəcanını birlikdə yaşayaq!” - paylaşımda qeyd edilib.

Qeyd edək ki, bu ilin 11-22 noyabrında Bakıda Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) keçiriləcək.

Konfransda iştirak üçün müvafiq qeydiyyat prosesindən keçən iştirakçıların sayı 32 min nəfəri keçib.

Sözügedən videoçarxı təqdim edirik:



Bizim.Media