Ronaldodan “Qızıl top”la bağlı növbəti boykot qərarı

“Əl-Nəsr”in kapitanı Kriştiano Ronaldu beşinci il ardıcıl “Qızıl top”un “Ən yaxşı gənc futbolçu” nominasiyası üzrə səsverməsində iştirak etməyib.

Bizim.Media xəbər verir ki, "L'Équipe" nəşrinin məlumatına görə, 40 yaşlı futbolçu "France Football" jurnalı ilə yaşadığı münaqişəyə görə səsverməni boykot edir.

Məlumata görə, sabiq futbolçular Zinəddin Zidan və Mişel Platini də bu nominasiyada səs verməyiblər.

Qeyd edək ki, bu il mükafata “Barselona”nın hücumçusu Lamin Yamal layiq görülüb.

Xatırladaq ki, 2021-ci ildə "France Football" jurnalının sabiq baş redaktoru Paskal Ferre Ronaldunun əsas məqsədinin Messidən daha çox “Qızıl top” qazanaraq karyerasını başa vurmaq olduğunu iddia etmişdi. Ronaldo isə bu açıqlamanı təkzib edərək Ferreyi yalan danışmaqda ittiham etmiş və mükafatla bağlı tədbirləri boykot etməyə başlamışdı.

Bizim.Media