ABŞ-nin vitse-prezidenti Cey Di Vens bildirib ki, ABŞ və İran uzunmüddətli perspektivdə Hörmüz boğazının açıq statusunu təmin edəcək mexanizm hazırlayıblar.
Bizim.Media xəbər verir ki, onun sözlərinə görə, yaradılmış sistem nəinki boğazın hazırkı fəaliyyətini təmin edir, həm də gələcəkdə onun açıq qalmasını dəstəkləməlidir.
Vens həmçinin, Hörmüz boğazından artıq təxminən 15 milyon barel neftin keçdiyini qeyd edərək, dünya yanacaq qiymətlərinin aşağı düşməyə başlaya biləcəyi barədə şərhini də edib.
Bundan əlavə, o, regional atəşkəsin qorunması və mümkün münaqişələrə nəzarət edilməsi üçün düzgün mexanizm yaradıldığını xəbər verib.
Vens əlavə edib ki, ABŞ razılaşmalara əməl olunmasını təmin etmək üçün İsrail və Fars körfəzi ölkələri də daxil olmaqla, müttəfiqləri ilə birlikdə işləyir.
Bizim.Media
