Belarus Xarici İşlər Nazirliyi Ukraynanın bu ölkədəki müvəqqəti işlər vəkilini çağıraraq ona rəsmi etiraz notası təqdim edib.
Bizim.Media xəbər verir ki, sərt diplomatik reaksiyaya səbəb Rusiyanın Bryansk vilayətində Belarusun uşaq futbol komandasını daşıyan avtobusa hücum edilməsi olub.
Bundan əvvəl Belarus İstintaq Komitəsi faktla bağlı "Terror aktı" maddəsi ilə rəsmi cinayət işi açıb. Belarus hüquq-mühafizə orqanları rusiyalı həmkarları ilə birlikdə hücumun bütün təfərrüatlarını, eləcə də bu qərarı verən və icra edən şəxslərin kimliyini müəyyənləşdirir.
Xatırladaq ki, hadisə Bryansk vilayəti ərazisində qeydə alınıb. Avtobus Qomel şəhərindən olan uşaq futbol komandasını yay tətilinə – Qelenjik şəhərinə aparırmış. Hücum nəticəsində nəqliyyat vasitəsinə ciddi ziyan dəyib.
Bizim.Media
