Suriya təhlükəsizlik qüvvələri ölkənin şimal-qərbində yerləşən İdlib vilayətində özbək döyüşçülərə qarşı əməliyyat keçirib.
Bizim.Media xəbər verir ki, bu barədə Reuters təhlükəsizlik strukturlarındakı mənbələrə istinadən məlumat yayıb.
Əməliyyat İdlib şəhərində atəş açmaqda ittiham olunan Özbəkistan əsilli döyüşçünün saxlanılmasına cəhddən sonra başlayıb. Bu hadisə silahlı qrupların etirazına səbəb olub. Onlar saxlanılan şəxsin azad edilməsini tələb ediblər.
Bundan sonra təhlükəsizlik qüvvələri İdlib vilayətinin bir sıra rayonlarında, o cümlədən etirazçı döyüşçülərin fəallığının müşahidə olunduğu kənd ərazilərində reydlər keçiriblər.
Məlumata görə, bölgəyə hərbi kolonlar yeridilib, bəzi ərazilərdə ara-sıra atışmalar qeydə alınıb.
Saxlanılan şəxslərin dəqiq sayı hələlik açıqlanmır.
Bizim.Media
