Ölkəmizdə qida təminatı ilə bağlı əsas TƏHLÜKƏLƏR AÇIQLANDI

Azərbaycanda qida təminatı ilə bağlı əsas təhlükələr açıqlanıb.

Bizim.Media xəbər verir ki, bu barədə Prezident İlham Əliyevin təsdiqlədiyi “Azərbaycan Respublikasında qida təhlükəsizliyinin təmin edilməsinə dair 2027−2032-ci illər üçün Dövlət Proqramı”nda qeyd olunub.

Həmin təhlükələr aşağıdakılardır:

- iqlim dəyişikliyi nəticəsində temperatur artımı, quraqlıq və ekstremal hava hadisələrinin qida təhlükəsizliyi risklərini artırması;

- antimikrob rezistentliyin sürətlə yayılması və müalicəyə davamlı infeksiyaların artması;

- zoonoz xəstəliklərin yayılma riskinin artması və bioloji təhlükəsizlik çağırışları;

- qloballaşan və mürəkkəbləşən qida tədarükü zəncirlərində çirklənmə mənbələrinin müəyyən edilməsinin çətinləşməsi;

- qida məhsullarının saxtalaşdırılması, yanlış etiketlənmə və istehlakçıların aldadılması hallarının artması;

- qlobal böhranlar (pandemiya, geosiyasi gərginliklər) nəticəsində tədarük zəncirində fasilələrin yaranması.

Bizim.Media