Sarkisyan Qasparyanın məsələsi ilə bağlı Konstitusiya Məhkəməsinə müraciət etdi

Ermənistan Prezidenti Armen Sarkisyan Baş nazir Nikol Paşinyanın Silahlı Qüvvələrin Baş Qərargah rəisi Onik Qasparyanın vəzifəsindən kənarlaşdırılması barədə vəsatətini imzalamayıb.


Bizim.Media "Sputnik Armenia"ya istinadən verdiyi xəbərə görə, bu barədə Ermənistan Prezidentinin mətbuat xidməti məlumat yayıb.
 

MÖVZU İLƏ BAĞLI:

Paşinyan “Ölümsüz Kaşşey” rolunda – Meydan tamaşaları onun ömrünü uzadır

Bildirilib ki, Prezident 2018-ci ildə "Hərbi xidmət və hərbçilərin statusu haqqında" qanuna edilən dəyişikliklərin Konstitusiyaya uyğunluğunun nəzərdən keçirilməsi üçün Konstitusiya Məhkəməsinə müraciət edib.

Prezident Sarkisyanın Konstitusiya Məhkəməsinə müraciəti Baş Qərargah rəisi Onik Qasparyanın vəzifədən azad edilməsi ilə bağlı deyil, Konstitusiya Məhkəməsi vəsatətə və Paşinyanın bu vəsatəti göndərməsini mümkün edən qanunvericilik dəyişikliklərinə baxacaq.

Düzəliş uyğun sayılarsa, qanuna görə, Baş nazirin imzaladığı vəsatət imzalandıqdan üç gün sonra avtomatik olaraq qüvvəyə minəcək.

Bizim.Media