Ərdəbil Azərbaycandan gələn turistləri qəbul etməyə hazırlaşır – VİDEO

Ərdəbil əyalətinin, xüsusilə Səreyn şəhərinin turizm potensialından səmərəli istifadə etmək üçün xarici turistlərin, xüsusən də Azərbaycandan gələnlərin bölgəyə cəlb edilməsi vacibdir.

Bizim.Media xəbər verir ki, bunu Səreyn Şəhər Şurasının sədri Cəfər Bəzri bildirib.

Onun sözlərinə görə, İran prezidentinin səfərindan sonra Biləsavar sərhəd-keçid məntəqəsindən Azərbaycanla quru sərhədin açılması üçün şərait yaradılacağına ümid edilir.

Bəzri vurğulayıb ki, pandemiyadan əvvəl əyalətə 2 milyonadək turist, o cümlədən Azərbaycan vətəndaşları səfər edib.

O, əlavə edib ki, son aylarda müharibə şəraiti və bəzi digər hadisələr turistlərin sayında azalmaya səbəb olub. Lakin Məhərrəm ayının bitməsi ilə turizm və istirahət mərkəzlərində canlanma gözlənilir.

Bəzri bildirib ki, turizm sənayesinə dəstək üçün xüsusi paket hazırlanır, infrastrukturun inkişafı – dörd və beşulduzlu mehmanxanaların tikintisi və investorların cəlb edilməsi – əsas prioritetlərdəndir. (Tasnim)


Bizim.Media