Tramp VAXT QOYDU: “Girovlar azad edilməsə, Yaxın Şərq cəhənnəmə çevriləcək”

ABŞ-nin yeni seçilmiş Prezidenti Donald Tramp Yaxın Şərqdə girovların azad edilməsinə dair xəbərdarlıq edib.

Bizim.Media xəbər verir ki, Tramp bu barədə “TRUTH” hesabında müraciət ünvanlayıb.

O qeyd edib ki, girovlar onun rəsmi olaraq vəzifəyə başlamasından əvvəl azad edilməsələr, bu işdə məsul olanlar “cəhənnəm əzabı” çəkəcəklər:
 

“Hamı Yaxın Şərqdə belə zorakılıqla, qeyri-insani və bütün dünyanın iradəsinə zidd olaraq saxlanılan girovlardan danışır. Amma bütün bunlar sadəcə boş müzakirədir, hərəkət yoxdur!

Xəbərdarlıq edirəm, əgər girovlar 2025-ci il yanvarın 20-nə qədər, yəni Amerika Birləşmiş Ştatlarının Prezidenti vəzifəsini qürurla qəbul etdiyim tarixə qədər azad edilməsələr, Yaxın Şərq cəhənnəmə çevriləcək.

Bəşəriyyətə qarşı cinayət işləyənlər bunun cəzasını ağır şəkildə çəkəcək”.