Yeni ildə neçə gün istirahət edəcəyik? – Təqvim

2027-ci ildə Yeni il bayramı ilə əlaqədar neçə gün istirahət edəcəyimiz indidən maraq doğurur.

Bizim.Media Ajans.az-a istinadən xəbər verir ki, Azərbaycan Respublikasının Əmək Məcəlləsinə əsasən, hər il yanvarın 1-i və 2-si Yeni il bayramı münasibətilə iş günü hesab edilmir.

2027-ci ildə yanvarın 1-i cümə, 2-si isə şənbə gününə təsadüf edir. Yanvarın 3-ü bazar günüdür. Beləliklə, beşgünlük iş həftəsi üzrə çalışanlar üçün ilkin hesablamalara əsasən, yanvarın 1-dən 4-dək ardıcıl dörd gün istirahət imkanı yarana bilər.

Qeyd edək ki, 2027-ci il üçün rəsmi istehsalat təqvimi hələ açıqlanmayıb. Buna görə də yanvarın 4-nün əlavə istirahət günü olması ilə bağlı yekun məlumat müvafiq təqvim təsdiqləndikdən sonra dəqiqləşəcək.

Xatırladaq ki, 2026-cı ildə də yanvarın 1-i və 2-si Yeni il bayramı ilə əlaqədar qeyri-iş günləri olub. Həmin il bu tarixlər cümə axşamı və cümə günlərinə təsadüf edib, ardınca şənbə və bazar günləri gəlib. 2025-ci ildə isə yanvarın 1-i çərşənbə, 2-si cümə axşamı günlərinə düşüb.

Beləliklə, 2027-ci ilin Yeni il bayramı həftəsonu ilə birləşərsə, beşgünlük iş rejimində çalışanları ilin ilk günlərində dörd günlük istirahət gözləyə bilər.

Bizim.Media