Erməni model İvanka Trampa xəyanət etdi

Erməni model Kim Kardaşyanın ABŞ-da keçirilən aralıq seçkilərdə demokratların qələbəsindən sonra etdiyi paylaşım sosial şəbəkələrdə xəyanət kimi qəbul edilib. Çünki o, uzun müddət ABŞ prezidenti Donald Trampın qızı İvanka Trampın ən yaxın dostu olub.

Bizim.Media xəbər verir ki, çərşənbə axşamı keçirilən seçkilərdən sonra demokratlar Konqresin hər iki palatasında – Nümayəndələr Palatası və Senatda üstünlük əldə ediblər. Ertəsi gün səhər Kardaşyan X sosial şəbəkəsində qısa olaraq “SABAHIN XEYİR, AMERİKA!” paylaşımını edib.

Sosial şəbəkə istifadəçiləri Kardaşyana İvanka Trampla dostluğunu xatırladaraq onu tənqid ediblər. Bəzi şərhçilər onun bu paylaşımını siyasi mövqeyinə zidd addım kimi qiymətləndiriblər.

İstifadəçilərdən biri kinayə ilə yazıb:

“Maraqlıdır, o, bunu ən yaxın rəfiqəsi İvankanın vəziyyətini soruşandan əvvəl, yoxsa sonra paylaşıb?”

Bizim.Media