“Zəngəzurda 102-ci Rusiya hərbi bazasının iki istinad məntəqəsi yaradıldı” - Paşinyan

Ermənistanın cənubunda Azərbaycan və İranla həmsərhəd olan Zəngəzur mahalında (Sünik) 102-ci Rusiya hərbi bazasının iki güclü istinad məntəqəsi yaradılıb. Bunu Ermənistanın Baş naziri Nikol Paşinyan parlamentdə çıxışı zamanı deyib.

Bizim.Media xəbər verir ki, məlumatı “armeniasputnik.am” saytı yayıb.

"Zəngəzur mahalında (Sünik) 102-ci Rusiya hərbi bazasının iki güclü istinad məntəqəsi yaradıldı. Bu, yalnız Zəngəzurun deyil, Ermənistanın da təhlükəsizliyini təmin etmək üçün əlavə bir zəmanətdir". Paşinyan bildirib.

Aprel ayında Paşinyan Ermənistan və Rusiyanın 102-ci Rusiya hərbi bazasının Zəngəzur mahalında güclü istinad məntəqəsi yaratmaq imkanlarını müzakirə etdiklərini açıqlayıb.

O, qeyd edib ki, Ermənistanın xarici təhlükəsizliyini təmin etməyin əsasını Ermənistan-Rusiya hərbi ittifaqı təşkil edir.

Bizim.Media