- A-
- A
- A+
Prezidentin köməkçisi Türkiyə rəsmilərinə Azərbaycana dəstəyə görə TƏŞƏKKÜR ETDİ - FOTO
Azərbaycan Prezidentinin köməkçisi Hikmət Hacıyev Azərbaycanı Avropa Şurası Parlament Assambleyasının (AŞPA) tutduğu qərəzli mövqe fonunda müdafiə edən Mövlud Çavuşoğlu və Fəxrəddin Altuna təşəkkür edib.
Bizim.Media xəbər verir ki, bu barədə H. Hacıyev özünün “X” hesabında paylaşım edib.
“Dəyərli və əziz Qardaşım, Fəxrəddin Altun, daim Azərbaycana verdiyiniz dəstəyinizə görə təşəkkür edirəm. Hər zaman şəxsən və Türkiyə Prezidenti Kommunikasiya İdarəsi olaraq heyətiniz ilə birlikdə Azərbaycanın yanında olmusunuz”, - deyə Prezidentin köməkçisi qeyd edib.
Hikmət Hacıyev Türkiyə parlamentinin NATO-dakı nümayəndə heyətinin rəhbəri Mövlud Çavuşoğluya isə müracət edərək yazıb:
“Dəyərli Mevlüt bəy PACE-də Azərbaycana qarşı olan haqsızlıqla bağlı ifadə etdiyiniz qəti və birmənalı mövqeyinizə görə Sizə təşəkkür edirəm. Siz həmişə Azərbaycanın yanında olmusunuz! Tezliklə Sizi Azərbaycanda görmək arzusu ilə”.
Qeyd edək ki, Mövlud Çavuşoğlu və Fəxrəddin Altun AŞPA-da ölkəmizə qarşı haqsızlığa qəti və birmənalı mövqe göstəriblər.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.
