Deputat: “Növbədənkənar prezident seçkilərinin keçirilməsi yeni reallıqları əks etdirir” – VİDEO 

“Bu gün artıq Azərbaycan tamamilə yeni bir güc mərkəzi kimi yeni siyasi arxitektura müstəvisində yola çıxır. Bu yolda da, heç şübhəsiz ki, yeni yanaşmalar ortada olmalıdır”. 

Bizim.Media xəbər verir ki, bu fikirləri millət vəkili Məzahir Əfəndiyev “Yeni tv”nin efirində səsləndirib.

Deputat qeyd edib ki, Prezident İlham Əliyevin 7 fevralda növbədənkənar seçkilərin keçirilməsi ilə bağlı imzaladığı sərəncam yeni reallıqları tam əks etdirir:

“İlham Əliyev dünyaya nümayiş etdirir ki, Azərbaycan xalqı mobil xalqdır, Azərbaycan xalqı öz Prezidenti, dövlətçilik ənənələri, öz ideologiyası ətrafında mükəmməl formada səfərbər olub.

Biz 2020-ci ildə “Dəmir Yumruq”la birliyimizi nümayiş etdirdik. Təyin olunmuş növbədənkənar prezident seçkiləri də Azərbaycan xalqının davamlı inkişafına töhfə verəcək. Bu qərar bütün dünyada Azərbaycan xalqının qəhrəman xalq statusunu qorumağa xidmət edən qərardır”.