“Sabah” bu futbolçuya görə 1 milyon avro TƏKLİF ETDİ 

“Sabah” klubunun hücumçusu Aleksey Kaşukun klubdakı gələcəyi naməlum olaraq qalır. Paytaxt təmsilçisi komandada icarə əsasında oynayan forvardın transfer hüququnu əldə etmək üçün Ukraynanın “Şaxtyor” klubu ilə danışıqları davam etdirir.  

Bizim.Media-nın əldə etdiyi məlumata görə “Şaxtyor” futbolçu üçün yüksək məbləğ 1 milyon 500 min avro tələb edir.  

“Sabah” isə bu məbləğin 1 milyon avrosunu ödəmək istəyir. Avropanın bir neçə klubu da Kaşukun transferində maraqlıdır. Onlardan ən yaxşı təklif “Belçika”nın “Vesterlo” klubundan gəlib.

Onlar ukraynalının keçidi üçün 2 milyonluq təklif göndərib. Polşa “Legiya”sı da Kaşukla maraqlansa da, hazırkı vəziyyətdə Kaşukun Belçikaya yollanacağı daha inandırıcı görünür.  
Qeyd edək ki, Aleksey bu mövsüm “Sabah”ın heyətində 16 qol vuraraq 9 məhsuldar ötürmə edib. 

Rəşad Rafiqoğlu, Bizim.Media