Danimarkalı baytarlar və bioloqlar Anholt adası sahillərində tapılan məşhur donqar balina Timminin cəsədi üzərində apardıqları çoxsaatlı yarılma (autopsiya) prosesini yekunlaşdırıblar.
Tədqiqat zamanı mütəxəssislər heyvanın bədənində uşaqlıq (matka) aşkar edərək, onun əslində dişi olduğunu rəsmən müəyyən ediblər. Bununla belə, balinanın dəqiq ölüm səbəbini tapmaq mümkün olmayıb.
Bizim.Media xəbər verir ki, bu barədə xarici KİV məlumat yayıb.
Kopenhagen Universitetinin baytar həkimi Timmi Yensenin sözlərinə görə, bu cür çürüməkdə olan cəsədlərdə ölümə səbəb olan konkret amili müəyyənləşdirmək son dərəcə çətindir.
Balinanın bədənində hər hansı xarici zədə izi tapılmayıb. Onun böyrəklərində aşkar olunan parazitlərin və məmədən hər hansı şəbəkə və ya tor qalıqlarının tapılmamasının ölümə birbaşa təsir göstərmədiyi bildirilir.
Yekun cavabların alınması üçün toxuma nümunələri Kopenhagendəki ixtisaslaşmış laboratoriyaya, skeletinin bir hissəsi isə Esbyerqdəki Balıqçılıq və Dənizçilik Muzeyinə göndərilib.
Qeyd edək ki, milyonlarla insan aylarla Timminin hekayəsini izləyib. Yaz aylarında Almaniya sahillərində dəfələrlə dayazlığa düşən balina, may ayında xüsusi barja vasitəsilə Şimal dənizinə aparılaraq sərbəst buraxılsa da, iki həftə sonra Danimarka sahillərində ölü tapılmışdı.
Bizim.Media
