Qazaxıstanda Azərbaycan əsilli tanınmış reper Nəvai Bəkirovda (Navai) 2,5 qram marixuana, siqaret bükmək üçün kağız və üyüdücü cihaz aşkarlanıb.
Bizim.Media xəbər verir ki, bu barədə “Mash” məlumat yayıb.
Məlumata görə, narkotik maddəni avtomobilin sürücü oturacağının cibində Atlas adlı xidməti it aşkar edib.
Repçi ilə yanaşı, avtomobildə sürücü də daxil olmaqla daha iki nəfər olub. Onların hamısı saxlanılaraq polis əməkdaşlarına təhvil verilib.
Bildirilir ki, Navai narkotik vasitəni Bişkekdə konsertindən sonra aldığını deyib. O, maddənin saxlanılmasının qadağan olduğunu bildiyini, lakin sərhəd-keçid məntəqəsində avtomobilinin yoxlanılacağını düşünmədiyini bildirib.
Sənətçi saxlanılarkən avtomobili özü idarə edib. O, Qırğızıstan-Qazaxıstan sərhədindəki keçid məntəqəsinə çatmazdan əvvəl sürücünü dəyişib. Avtomobilin Astanada qeydiyyatda olan nömrələri olan “Mercedes” olduğu və ehtimal ki, repçinin texniki tələblər siyahısına daxil edildiyi qeyd olunur. Saxlanılanlar arasında ifaçının konsert direktoru da var.
Nəşrin məlumatına görə, Qazaxıstan qanunvericiliyinə əsasən, repçini 8 ilədək həbs cəzası gözləyə bilər.
Bizim.Media
