Tom Kruz və Keti Holmsun 20 yaşlı qızı Suri Noel valideynlərinin yolunu davam etdirərək aktyorluğa başlayıb.
Bizim.Media xəbər verir ki, E! News-un məlumatına görə, Suri yaxınlarda Midsummer tamaşasında aktrisa kimi debüt edib.
Əvvəllər Suri Kruz kimi tanınan Suri Uilyam Şekspirin “Yay gecəsi yuxusu” əsərinin adaptasiyasında eyni anda bir neçə obrazı canlandırır. O, Yelena, Xardal dənəsi, Flüt və Teseus rollarını ifa edir.
Tamaşa Şotlandiyada keçirilən Edinburq Fringe festivalı çərçivəsində avqustun 19-dək nümayiş etdiriləcək.
Səhnə debütü Surinin həyatında son dövrlərdə baş verən mühüm hadisələrdən yalnız biridir. Keti Holms 2012-ci ildə Tom Kruzdan ayrıldıqdan sonra qızının həyatında yeni mərhələnin başlamasından məmnun olduğunu bildirib.
Suri 2024-cü ildə Karnegi Mellon Universitetinə qəbul olub. Holms qızının bu uğurundan qürur duyduğunu deyib.
“Mən qızıma görə qürur duyuram. Əlbəttə, onun yanımda olmaması üçün darıxacağam, amma onunla çox fəxr edirəm və onun üçün xoşbəxtəm”, - deyə aktrisa Town & Country jurnalına müsahibəsində bildirib.
Holms əlavə edib ki, Surinin yaşında olduğu dövrü yaxşı xatırlayır və həmin illər insanın özünü kəşf etməyə başladığı maraqlı bir mərhələdir.
“Mən bu həyat dövrümü çox sevirdim. Ona görə də indi bu barədə düşünmək mənim üçün xoşdur”, - deyə aktrisa vurğulayıb.
Bizim.Media
