Türkiyə Mərkəzi Bankı valyuta intervensiyalarına başladı - LİRƏ CANA GƏLDİ

Türkiyə Mərkəzi Bankı milli valyutanın kəskin volatilliyini sabitləşdirmək üçün valyuta intervensiyalarına başladığını açıqlayıb. 

Bizim Media xəbər verir ki, bu barədə Mərkəzi Bankın məlumatında deyilir.
 

“Məzənnələrdə müşahidə olunan qeyri-sağlam dəyər formalaşması səbəbindən bazarda valyuta satışı sferasına birbaşa müdaxilə var”. TASS agentliyi Türkiyə Mərkəzi Bankının bəyanatından sitat gətirib.

Mərkəzi Bankın açıqlamasından sonra ticarət məlumatlarına görə türk lirəsi dollar qarşısında 7%-dən çox bahalaşıb.

İlin əvvəlindən Türkiyə valyutası 70% devalvasiyaya uğrayıb ki, bu da son illərin ən böyük dəyər itirmələrindən biri olub. Yanvar ayında 1 dollara təxminən 7,3 lirəyə dəyişdirilib. Ötən həftə lirə 13 baryerini keçərək bütün zamanların eniş rekordunu müəyyənləşdirib.

Bizim Media