Növbəti "Grammy" musiqi mükafatının təqdimetmə mərasimi 7 fevral 2027-ci ildə keçiriləcək.
Bizim.Media xəbər verir ki, bu barədə ABC telekanalı məlumat yayıb.
"69-cu illik təntənəli mərasim 7 fevral 2027-ci ildə Los-Ancelesdə baş tutacaq", - məlumatda bildirilib.
Mükafatın nominantları noyabrın 16-da elan ediləcək. Mərasim 1972-ci ildən bəri ilk dəfə olaraq ABC telekanalı tərəfindən canlı yayımlanacaq.
"Grammy"ni "Hulu" və "Disney+" onlayn platformalarında da izləmək mümkün olacaq. Buna qədər yayım hüquqları CBS telekanalına məxsus idi.
Səsvermənin ilk raundu oktyabrda keçiriləcək, qaliblər isə dekabr-yanvar aylarında seçiləcək.
Bizim.Media
