“Son 20 illik həyatını müxalifyönlü insanların hüquqlarının qorunmasına həsr edən Leyla Yunus onlar üçün əlindən nə gəldisə etdi. Öz hüquqlarının müdafiə olunması ehtiyacı yarananda isə müxalifət bu işdən yayınmaq üçün min oyundan çıxdı”.
Bunu şair-publisist Heydər Oğuz Moderator.az-a açıqlamasında bildirdi. Müxalifətin həbs olunmuş hüquq müdafiəçiləriylə bağlı müxtəlif komitələr yaratmasını və biri digərinin komitəsinə barmaqarası baxmasını şərh edən Heydər Oğuz maraqlı bənzətməylə real mənzərəni ortaya qoydu:
“Müxalifətin hüquq müdaifəçiləriylə bağlı bu mövqeyi boşanan ər-arvadın uşaq üstündə davasını xatırladır. Valideynlərdən biri körpənin başından, digəri isə ayağından tutub çəkir. İndi Leyla Yunus və digər hüquq müdafiəçiləri də bu körpənin vəziyyətdədirlər. Bu çəkha-çəkdə onların başları bədənlərindən ayrılmasa yaxşıdır”.
