Çinin keçmiş Dövlət Şurasının Baş naziri Çju Junszi 98 yaşında Pekində vəfat edib.
Bizim.Media xəbər verir ki, Sinxua agentliyinin məlumatına görə, o, çərşənbə günü yerli vaxtla saat 11:06-da xəstəlik səbəbindən dünyasını dəyişib.
Çju Junszi Çin Kommunist Partiyası Mərkəzi Komitəsinin 14-cü və 15-ci çağırışları dövründə Siyasi Büronun Daimi Komitəsinin üzvü olub.
Çin Kommunist Partiyası Mərkəzi Komitəsi, Ümumçin Xalq Nümayəndələri Konqresinin Daimi Komitəsi, ÇXR Dövlət Şurası və Çin Xalq Siyasi Məşvərət Şurasının Ümumçin Komitəsi tərəfindən birgə nekroloq yayımlanıb.
Nekroloqda Çju Junszinin Çin Kommunist Partiyasının görkəmli üzvü, kommunizm ideallarına sadiq, zamanın sınağından çıxmış mübariz, görkəmli proletar inqilabçısı və siyasi xadim, eləcə də partiya və dövlətin tanınmış rəhbəri olduğu qeyd edilib.
Bizim.Media
