ABŞ Rusiya və Çinlə nüvə arsenallarının azaldılması barədə sövdələşmə bağlamaqda maraqlıdır.
Bizim.Media “ria.ru”ya istinadla xəbər verir ki, bu barədə ABŞ Prezidenti Donald Tramp Fransada keçirilən G7 sammiti çərçivəsində təşkil olunmuş mətbuat konfransında bəyan edib.
Amerikalı liderin sözlərinə görə, ABŞ dünyada ən böyük nüvə arsenalına sahibdir, Rusiya ikinci yerdə qərarlaşıb, Çin isə beş ildən sonra onların səviyyəsinə yaxınlaşa bilər.
Tramp qeyd edib ki, Moskva, Vaşinqton və Pekin nüvəsizləşdirmə haqqında saziş imzalamalıdırlar.
"Dünyanı 300 dəfə partlatmaq imkanına malik olmağımıza ehtiyac yoxdur. Bu, sadəcə olaraq dəhşətlidir", - deyə o bildirib.
Ağ Ev rəhbəri əlavə edib ki, tərəflərdən biri belə bir razılaşmanı bağlamağı çox istəyir, digəri isə "bunu o qədər də arzulamır". Lakin Tramp söhbətin kimdən getdiyini dəqiqləşdirməyib.
Bizim.Media





































































































