Pakistanın Baş naziri Şahbaz Şərif Çində rəsmi səfərdədir.
Bizim.Media xəbər verir ki, bu barədə Pakistan Baş nazirinin dəftərxanası məlumat dərc edib.
Pakistan nümayəndə heyətinin tərkibinə həmçinin xarici işlər naziri Məhəmməd İshaq Dar da daxildir.
XİN başçısı "X" hesabında qeyd edib ki, Pakistanın Baş naziri Xançjouda Çjetszyan əyalətinin partiya rəhbərliyi ilə görüşəcək.
Şərif həmçinin Pakistan və Çin şirkətləri arasında əməkdaşlığın inkişafı məqsədilə təşkil olunmuş biznes-forumda iştirak edəcək.
Bundan başqa, Pakistan Baş nazirinin iri Çin şirkətlərinin rəhbərləri ilə görüşləri olacaq.
Qeyd edək ki, Şərifin Çinə səfəri mayın 26-dək davam edəcək.
Bizim.Media
