Ukraynadan Perm şəhərinə DRON HÜCUMU - VİDEO

Rusiyanın Perm şəhərinin PUA hücumuna məruz qaldığı bildirilir.

Bizim.Media xəbər verir ki, bu barədə Rusiya teleqram kanalları məlumat yayıb.

Məlumata görə, şəhər üzərində bir neçə partlayış səsi eşidilib. Yerli kanallar minimum hündürlükdə uçan iki pilotsuz uçuş aparatının qeydə alındığını yazıblar.

Permdə bir neçə dəfə hava həyəcanı siqnalı verilib. Bəzi məktəblərin təxliyə olunduğu bildirilir.

Bundan əvvəl yerli sakinlər şəhərdə yerdə partlayış baş verdiyini yazıblar. Bundan sonra səsgücləndiricilər vasitəsilə “təhlükəli maddə sızması” ilə bağlı xəbərdarlıq edildiyi qeyd olunub.

Rəsmi qurumlar hələlik hadisə ilə bağlı açıqlama verməyib.


Bizim.Media