Belarusdakı regional qubernatorlar mineral gübrələrin saxlanılmasını lazımi səviyyədə təmin etmədiklərinə görə “bir ayaqları həbsdədir”.
Bizim.Media xəbər verir ki, dövlət başçısının mətbuat xidmətinə yaxın olan «Pul pervogo» Telegram kanalının məlumatına görə, bu sözləri Belarus prezidenti Aleksandr Lukaşenko səsləndirib.
«Qubernatorlara bir daha xəbərdarlıq etmək istəyirəm ki, sonra sizinlə xoşagəlməz söhbətlərimiz olmasın! Əgər Dövlət Nəzarəti Komitəsi mənə məruzə etsə — artıq ediblər ki, gübrələrin qorunub saxlanılması ilə bağlı problemlər var, həm də az deyil, bu zaman söhbətimiz çox sərt olacaq. Uşaqlar, sizin sadəcə bir ayağınız həbsdədir”, — deyə Lukaşenko bildirib.
Prezidentin sözlərinə görə, onun bu xəbərdarlığı iqtisadi cəhətdən əsaslandırılıb.
O diqqətə çatdırıb ki, bu gün beynəlxalq bazarlarda azot gübrələrinin qiyməti hədsiz yüksəkdir, məmurların ucbatından isə onlar zay olur.
«Əgər qoruya bilmirsinizsə, onda götürməyin», — deyə o əlavə edib.
Bizim.Media
