Ukrayna Prezidenti Volodimir Zelenski Gürcüstanın rusiyapərəst hakimiyyət orqanlarına qarşı sanksiyaların tətbiqi haqqında fərman imzalayıb.
Bizim.Media xəbər verir ki, bu barədə Zelenski sosial şəbəkə hesabında yaydığı videomüraciətdə bildirib.
Məlumata görə, Gürcüstanın indiki baş naziri İrakli Kobaxidze və rəhbərliyin digər nümayəndələri Ukraynanın sanksiya siyahısına daxil edilib.
“Mən indicə Milli Təhlükəsizlik və Müdafiə Şurasının sanksiyalarla bağlı qərarının qüvvəyə minməsi ilə bağlı fərman imzaladım.
Ukrayna keçmiş baş nazir Bidzin İvanişviliyə və onun əlaltılarına – 19 nəfərə qarşı sanksiyalar tətbiq edib. Onlar Gürcüstanın və xalqın maraqlarını satanlardır.
Biz bununla Avropanı, Amerikanı, dünyada hər kəsi eyni şəkildə, yəni prinsipial şəkildə hərəkət etməyə çağırırıq” – o deyib.
Qeyd edək ki, Ukrayna Prezidenti Volodimir Zelenski baş verən hadisələrə reaksiya olaraq ötən gün Gürcüstan hakimiyyətinə qarşı sanksiyalar hazırladığını açıqlamışdı.
Bizim.Media
