Şəhərsalmada “yaşıl enerji”dən istifadə modeli – Necə tətbiq olunur?

Hazırda oxunan: Şəhərsalmada “yaşıl enerji”dən istifadə modeli – Necə tətbiq olunur?

614328

"Azərbaycanın şəhərsalmayla bağlı kodeksi yaşıl enerjiylə bağlı tələbləri əks etdirir".

Bizim.Media xəbər verir ki, bu sözləri Milli Məclisin üzvü Pərvanə Vəliyeva Ümumdünya Şəhərsalma Forumu (WUF13) çərçivəsində keçirilən “Şəhər–sənaye–iqlim kəsişməsində mənzil və binaların karbon emissiyalarının azaldılması” adlı tədbirdə çıxışı zamanı qeyd edib.

Deputat günəş panellərindən, külək, günəş enerjisindən, yaşıl enerjidən istifadənin önəmlərini vurğulayıb:

"Bu kodekslə biz yaşıl infrastrukturu dəstəkləyirik. Hazırda Qarabağda işğaldan azad olunmuş ərazilər 0-dan qurulur yaşayış yerləri salınır, orada günəş panellərindən istifadə olunur".

Pərvanə Vəliyeva bildirib ki, media, sosial şəbəkə influnserləri vasitəsilə vətəndaşlara panellərdən istifadə etməklə bağlı çağırışlar edilir.

Nəzrin Mirzəyeva, Vüqar Ağayev, Bizim.Media