Gəncə Dövlət Universitetinin Tələbə Gənclər Təşkilatı “Mən Bacarıram”x9d adlı universitet tələbələrinin istedad müsabiqəsi layihəsinin icrasına başlayır.
Moderator.az xəbər verir ki, ümumilikdə 3-17 mart tarixlərini əhatə edən layihənin əsas məqsədi Gəncə Dövlət Universitetində təhsil alan istedadlı tələbələri aşkar edərək üzə çıxarmaq,onlara yeni imkanlar yaradaraq dəstək olmaqdan ibarətdir. 2 mərhələdən ibarət olan layihənin ilkin mərhələsində seçim turu , ikinci mərhələsində isə final turu keçiriləcək. Müsabiqədə mahnı,şeir,rəqs,teatr,çalğı alətlərinin ifası, yaxud qeyri-adi bir istedad və xüsusi bacarığı olan hər bir kəs iştirak edə bilər. Münsiflər tərəfindən seçiləcək olan qaliblərə pul mükafatı və dəyərli hədiyyələr təqdim olunacaq. Layihənin yekunu və təltif olunma mərasimi 17 mart tarixində həyata keçiriləcək.
