“Daha çox ev tikmək lazımdır, lakin bu, təkbaşına kifayət etməyəcək. Tələb olunan sistem strukturu iqlimə davamlılıq, maliyyələşdirmə və inklüziv planlaşdırmadır”.
Bizim.Media xəbər verir ki, bu sözləri Şəhərsalma Forumunun 13-cü Sessiyasının (WUF13) açılış mərasimində çıxışı zamanı BMT Baş Assambleyasının Prezidenti Annalena Berbok söyləyib.
"Belə bir yanaşma həm də geniş iştirakdan asılıdır, çünki davamlı şəhər inkişafı təkcə hökumətlər tərəfindən həyata keçirilə bilməz. Bu, yerli hakimiyyət orqanlarının, icmaların, vətəndaş cəmiyyətinin, özəl sektorun və ekspertlərin, eləcə də sakinlərin özlərinin yaşadıqları şəhərlərin formalaşmasına kömək etmələrini tələb edir".
Rəsmi nümayəndə qeyd edib ki, Yeni Şəhər Gündəliyinin aralıq icmalı üçün yüksək səviyyəli görüş keçiriləcək.
"Bu görüş siyasi öhdəlikləri yeniləmək və icranı gücləndirmək üçün imkan yaradacaq. İnanıram ki, Ümumdünya Şəhərsalma Forumunun 13-cü sessiyasındakı müzakirələr mənalı, inklüziv və praktik olacaq".
Nəzrin Mirzəyeva, Bizim.Media
