Oktyabrın 9-da keçiilən prezident seçkilərindən sonra Milli İstiqlal Partiyası rəhbərliyinin digər müxalif təşkilatlardan fərqli olaraq “ağzına su alıb” gözləmə mövqeyi sərgiləməsinin səbəbləri barədə Moderator.az-a adının çəkilməsini istəməyən bir məhşur siyasətçi-analitik tərəfindən maraqlı informasiya daxil olub. Sən demə, bu susqunluğun mükafatı qarşıdan gələn parlament seçkilərində müxalifətdaxili intriqları qızışdırmaq üçün AMİP-ə iki mandat veriləcəyi barədə sövdələşməymiş. Mənbə informasiyanı əsaslandırmağa çalışarkən iddia edir ki, bunun başqa izahı yoxdur və Etibar Məmmədovun birdən-birə bu qədər kənara çəkilməsinə başqa cür izah vermək normal məntiqə sığmır.
Təbii ki, bu informasiyanın yüzdəyüz həqiqət
olduğunu da iddia etmək yersiz olardı. Çünki parlament seçkilərinə hələ iki ilə
yaxın müddət var və eyni zamanda o vaxtadək ölkədəki situasiyanın, eləcə də siyasi
səhnədəki oyunçuların yerinin və mövqelərinin dəyişəcəyi də mümkündür. Amma mənbə
iddia edir ki, növbəti parlament seçkilərində AMİP-ə yer veriləcəyinə əmindir və
bu barədə detallarını açıqlamaq istəmədiyi məlumatları var.
Redaksiyadan: Təbii ki, bu informasiyaya
münasibət öyrənmək üçün adıçəkilən partiyaya müraciət etməyə lüzum yoxdur,
çünki bu cür informasiyalara adətən birmənalı təkzib cavabları verilir, hətta
bu həqiqət olsa belə. Ona görə də informasiyanı test etmək üçün iki il gözləmək
lazım gələcək...
