Putin növbəti dəfə "Hər şey nəzarət altındadır" dedi - VİDEO

Rusiya Prezidenti Vladimir Putin növbəti dəfə ictimaiyyət qarşısına çıxaraq Rusiyanın Ukraynadakı hərbi əməliyyatları və Qərblə münasibətləri barədə rəsmi bəyanatlarını səsləndirib. Rusiya lideri ölkədə hər şeyin tam nəzarət altında olduğunu iddia edib.

Bizim.Media xəbər verir ki, Putinin sözlərinə görə, Qərb dövlətləri Rusiyanı döyüş meydanında məğlub etmək gücündə deyillər. O, Ukrayna ordusunun (Kiyevin) cəbhə xətti boyu geri çəkildiyini iddia edərək, Rusiyanı "həmişə şərin yolunu kəsən" qlobal amil kimi sıradan çıxarmağa çalışdıqlarını bildirib:

"Rusiyanı dişə vurmağa çalışırlar... Biz hazırkı vəziyyəti nəzərə alaraq xüsusi hərbi əməliyyatın bəzi planlarına düzəlişlər edirik, lakin bütün strateji hədəflər mütləq reallaşdırılacaq".

Xatırladaq ki, müharibənin ilkin mərhələlərində Kremlə yaxın siyasi dairələr və hərbi ekspertlər tərəfindən planın ilkin versiyası qeyri-rəsmi olaraq "3 günə Kiyev" kimi təqdim olunsa da, hazırda münaqişə uzunmüddətli və tükəndirici müharibə xarakteri alıb.


Bizim.Media