Türkiyədə 34 nəfər dönərdən zəhərləndi

Türkiyənin cənubunda yerləşən Hatay vilayətində dönər yedikdən sonra 30-dan çox insan qida zəhərlənməsi şübhəsi ilə tibbi yardıma müraciət edib. Onlardan səkkizi xəstəxanaya yerləşdirilib.

Bizim.Media xəbər verir ki, bu barədə çərşənbə günü NTV telekanalı məlumat yayıb.

Müştərilərin müraciətlərindən sonra rayon Kənd Təsərrüfatı və Meşə Təsərrüfatı İdarəsinin əməkdaşları dönər satılan müəssisədəki məhsullardan nümunələr götürüblər.
 

Məlumata əsasən, həmin müəssisədə yemək yeyən 34 nəfərin hamısı səhhətlərinin pisləşməsi ilə bağlı xəstəxanaya müraciət edib. Son məlumatlara görə, onlardan səkkizi stasionar müalicəyə yerləşdirilib.

Hadisənin səbəbləri araşdırılanadək bələdiyyə orqanları müəssisəni möhürləyərək fəaliyyətini dayandırıblar. Laboratoriya analizlərinin nəticələri hələ açıqlanmayıb.

Tibbi yardıma müraciət edən bütün şəxslər müalicə başa çatdıqdan sonra xəstəxanadan evə buraxılıblar.

Bizim.Media