SORĞU: Ermənilər Paşinyandan razıdırmı?

GALLUP Beynəlxalq Assosiasiyasının Ermənistan nümayəndəliyinin rəhbəri Aram Navasardyan sorğunun nəticələrini təqdim edib. Sorğuya əsasən respondentlərin 57,6%-i Ermənistanın baş nazirinin fəaliyyətindən narazı olduğunu bildirib.

Bizim.Media xəbər verir ki, bu barədə erməni mətbuatı yazıb.

Xüsusilə, respondentlərin 41,5%-i Paşinyanın fəaliyyətindən “qətiyyən narazı” olduğunu, 16,1%-i isə “kifayət qədər narazı” olduğunu vurğulayıb.

Respondentlərin 14,1%-i baş nazirin işindən “mütləq razı”, 20,4%-i isə “daha ​​çox razı” olduğunu deyib. 7,9% suala cavab verməkdə çətinlik çəkib.

Oktyabrın 24-dən oktyabrın 30-dək keçirilən telefon sorğusu 1100 respondenti əhatə edib.

Bizim.Media