“Azərbaycan enerji sahəsində Avropanın qarantıdır” - Asəf Hacıyev

Yanvarın 1-dən etibarən Qara Dəniz İqtisadi Əməkdaşlıq Təşkilatına üzv ölkələrin sayı 13-ə çatacaq.

Bizim.Media xəbər verir ki, bu fikirləri Azərbaycan mediasına açıqlamasında Qara Dəniz İqtisadi Əməkdaşlıq Təşkilatı Parlament Məclisinin baş katibi, akademik Asəf Hacıyev bildirib.

“Bunların arasında Azərbaycana dost, həmçinin uğurlarına bir o qədər sevməyən ölkələr də var. Lakin, buna baxmayaraq bu gün belə bir gözəl cütlük əmələ gəlib - Azərbaycan, Türkiyə və Gürcüstanı da bura əlavə etmək olar. Bu ölkələr dünyanın enerji bazarında artıq mərkəzə çevrilib. Bildiyiniz kimi, Xəzər dənizindən əldə edilən neft və qaz Türkiyə üzərindən dünya bazarlarına çatdırılır. Hazırda bütün dünya başa düşür ki, Azərbaycan, Türkiyə və Gürcüstan Avropanın enerji sahəsinin qarantı kimi qəbul edilir. Azərbaycan kiçik dövlət olsa da, bu gün artıq dünyanın siyasi xəritəsində layiqli yerini tutub”, deyə o, qeyd edib.

Bizim.Media