Kiyev regionunun Borispol bölgəsində partlayış səsləri eşidilib.
Bizim.Media xəbər verir ki, bu barədə Ukrayna Hərbi Hava Qüvvələri məlumat yayıb.
Borispol bölgəsinə təxminən 7 raketin atıldığı bildirilir.
Kiyev Vilayət Dövlət Administrasiyasının rəhbəri Timur Tkaçenko öz teleqram kanalında yazıb ki, hücum nəticəsində iki nəfər həyatını itirib:
"Həmçinin xəsarət alanların sayı səkkiz nəfərə qədər artıb. Onlardan biri uşaqdır. Yaralılara lazımi tibbi yardım göstərilir", - o qeyd edib.
Teleqramın Ukrayna seqmentində hücumdan sonra böyük yanğının baş verdiyi ilə bağlı görüntülər yayılıb.
Həmin kadrları təqdim edirik:
Bizim.Media
