Honkonqda tüğyan edən Hongxia tayfunu hündürmərtəbəli binanın üzərində quraşdırılmış tikinti qurğusunu yerindən qoparıb.
Bizim.Media xəbər verir ki, bu barədə yerli KİV məlumat yayıb.
İlkin məlumata görə, hadisə nəticəsində xəsarət alan olmayıb.
Şəhərdə tayfunla əlaqədar yüksək təhlükə xəbərdarlığı qüvvədədir. Güclü külək və leysan yağışları səbəbindən bir sıra aviareyslər ləğv edilib, ictimai nəqliyyatın fəaliyyətində isə ciddi fasilələr yaranıb.
Yerli hakimiyyət orqanları sakinlərə ehtiyatlı olmağı, tikinti meydançalarından və dayanıqsız konstruksiyalardan uzaq durmağı tövsiyə ediblər.
Bizim.Media
