Dəməşqin mərkəzindəki Hicaz rayonunda yerləşən kafedə baş verən partlayış nəticəsində altı nəfər həlak olub, daha 22 nəfər isə yaralanıb.
Bizim.Media xəbər verir ki, bu barədə Suriya Səhiyyə Nazirliyinə istinadən SANA agentliyi məlumat yayıb.
Partlayış iyulun 2-də Ədliyyə Sarayının yaxınlığındakı kafenin daxilində baş verib. Suriya Daxili İşlər Nazirliyinin məlumatına görə, kafedə partlayıcı qurğu işə düşüb, hadisənin səbəbləri araşdırılır.
Təhlükəsizlik qüvvələri ərazini mühasirəyə alıb, xəsarət alanlar Dəməşq, Qırmızı Yarımay, İbn ən-Nafis, ər-Rəşid və Əl-Muvəsat xəstəxanalarına çatdırılıb.
Bizim.Media




































































































