Venesuelada baş verən dağıdıcı zəlzələ fəlakətinin ardınca daxil olan xəbərlər arasında insanı duyğulandıran anlar qeydə alınıb. Dağıntılar altından canını çətinliklə qurtaran bir şəxs öz canı bahasına evindəki ən dəyərli varlıqlarını xilas edib.
Bizim.Media xəbər verir ki, bu barədə görüntülər və məlumatlar beynəlxalq mediada və sosial şəbəkələrdə sürətlə yayılıb.
Məlumata görə, güclü yeraltı təkanlar nəticəsində qismən uçan və hər an tamamilə uçma təhlükəsi olan binaya daxil olan fədakar ev sahibi içəridə çarəsiz vəziyyətdə qalan iki ev itini taparaq xilas edə bilib. O, heyvanları qucağına alaraq təhlükəsiz zonaya çıxarmağı bacarıb.
Sosial şəbəkə istifadəçiləri çətin və qorxulu anda maddi əşyaları yox, məhz dördayaqlı dostlarını düşünən bu şəxsin hərəkətini böyük rəğbətlə qarşılayıb və onu "günün qəhrəmanı" adlandırıblar.
Bizim.Media
