Futbol üzrə dünya çempionu 94 yaşında vəfat etdi

Futbol üzrə dünya çempionu 94 yaşında vəfat etdi

Hazırda oxunan: Futbol üzrə dünya çempionu 94 yaşında vəfat etdi
647995
Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

1958-ci ildə Braziliya millisinin heyətində dünya çempionu, 1963-cü ildə isə “Milan”la Avropa Çempionlar Kubokunun qalibi olmuş Dino Sani 94 yaşında dünyasını dəyişib.

Bizim.Media xəbər verir ki, bu barədə Braziliya Futbol Konfederasiyasının rəsmi saytı məlumat yayıb.
 

Dino Sani Braziliyaya ilk dünya çempionluğu titulunu qazandıran komandanın üzvü olub və zəngin irs qoyub. Bildirilib ki, onun qazandığı uğurlar və futbol tarixindəki yeri hər zaman xatırlanacaq. Konfederasiya mərhumun ailəsinə, dostlarına və onu sevənlərə başsağlığı verib.


1932-ci il mayın 23-də San-Paulu şəhərində anadan olan Dino Sani 1958-ci ildə İsveçdə keçirilən dünya çempionatında Braziliya millisinin heyətində yer alıb. O, turnirdə Avstriya (3:0) və İngiltərə (0:0) ilə qarşılaşmalarda iştirak edib. Lakin zədə səbəbindən yarışın qalan hissəsində meydana çıxa bilməyib.

Dino Sani 1950-ci ildə “Palmeyras” klubunda çıxış etməklə tanınmağa başlayıb və həmin il San-Paulu ştatının çempionu olub. Daha sonra “San-Paulu”, “Korintians” və “Milan” komandalarında forma geyinib.

O, 1962-ci ildə İtaliya çempionluğunu, 1963-cü ildə isə “Milan”la Avropa Çempionlar Kubokunu qazanıb. Bu, Milan təmsilçisinin həmin turnirdə ilk qələbəsi olub.

Braziliya millisində 24 oyun keçirən Sani 4 qol vurub. Futbolçu karyerasını 1968-ci ildə başa vurduqdan sonra məşqçiliyə başlayıb.
 

O, ölkəsinin “İnternasional”, “Palmeyras”, “Flamenqo”, “Fluminense”, Uruqvayın “Penyarol” və Argentinanın “Boka Xuniors” klublarına rəhbərlik edib. 1989-1990-cı illərdə isə Qətər milli komandasının baş məşqçisi olub.


Dino Sani “İnternasional”la 4, “Penyarol”la isə 2 dəfə ölkə çempionluğunu qazanıb. Məşqçilik karyerasını 1992-ci ildə “Qremio”da başa vurub.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Bizim.media tətbiqi
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play

XƏBƏR LENTİ

Bugün

Xəbərin mətnində orfoqrafik səhv var

Qeydinizi daxil edin

RADİO