Londonun “Arsenal” klubu ev oyunlarını keçirdiyi “Emireyts” stadionunun genişmiqyaslı rekonstruksiyası layihəsindən imtina edib.
Bizim.Media xəbər verir ki, 2024-cü ildən bu məsələ üzərində çalışan işçi qrupunun hazırladığı layihə arenanın hazırkı 60 minlik tutumunun əhəmiyyətli dərəcədə artırılmasını nəzərdə tuturdu.
Lakin klub tribunaların yenidən qurulması əvəzinə stadionun ayrı-ayrı hissələrinin mərhələli şəkildə genişləndirilməsi və azarkeşlər üçün şəraitin yaxşılaşdırılması qərarına gəlib.
"The Athletic" nəşrinin məlumatına görə, əsas səbəb rekonstruksiya müddətində “Arsenal”ın ev oyunlarını başqa stadionda keçirməli olmasıdır.
Xatırladaq ki, “Emireyts” 2006-cı ildə istifadəyə verilib. “Arsenal” bundan əvvəl ev oyunlarını 35 min tamaşaçı tutumuna malik “Hayberi” stadionunda keçirirdi.
Bizim.Media
