Əsgərliyə getməyən futbolçu ilə bağlı zarafat qalmaqala SƏBƏB OLDU

2026-cı il FIFA Dünya Kubokunda çıxış edən Cənubi Koreya milli komandası meydandan kənarda baş verən hadisələrlə gündəmə gəlib.

Bizim.Media xarici KİV-ə istinadla xəbər verir ki, iddialara görə, bəzi jurnalistlərin komandanın kapitanı Son Hyun Minin hərbi xidmət keçməməsi ilə bağlı öz aralarında etdiyi istehzalı söhbətlər ictimaiyyətə sızıb.
 

Ortaya çıxan səs yazıları ölkədə geniş müzakirələrə səbəb olub. Baş verən qalmaqaldan sonra Cənubi Koreya millisinin mətbuat katibi vəzifəsindən ayrılıb. Hadisə ilə əlaqədar federasiya daxilində də təcili toplantıların keçirildiyi bildirilir.

Qalmaqalın böyüməsindən sonra Cənubi Koreya tərəfi sərt addım atıb. Məlumata görə, milli komanda Dünya Kuboku müddətində media ilə əlaqələri müvəqqəti dayandırmaq qərarı verib. Komandanın turnirin qalan hissəsində heç bir mətbuat konfransında iştirak etməyəcəyi, futbolçuların isə jurnalistlərin suallarını cavablandırmayacağı bildirilib.

Qeyd edək ki, Qalmaqalın mərkəzində yer alan Son Hyun Min daha əvvəl Cənubi Koreya yığmasının 2018-ci il Asiya Oyunlarında çempion olması sayəsində məcburi hərbi xidmətdən azad olunmuşdu. Sızdırılan səs yazılarında bu məsələ ilə bağlı səsləndirilən fikirlərin komanda daxilində narazılıq yaratdığı iddia olunur.

Bizim.Media