"Neftçi" heyətini yeni hücumçu ilə gücləndirə bilər.
Bizim.Media xəbər verir ki, "ağ-qaralar”ın transfer siyahısında yer alan futbolçulardan biri də Pedro Markesdir.
"Apollon"a məxsus olan 28 yaşlı hücumçunun "Neftçi"yə keçib-keçməyəcəyi qarşıdakı günlərdə dəqiqləşəcək. Məsələ burasındadır ki, portuqaliyalı forvardla “Pafos” da maraqlanır.
Bu mövsüm Çempionlar Liqasının liqa mərhələsində çıxış etmiş Kipr təmsilçisi Pedro ilə danışıqlara start verib.
“Sportinq”B, “Dordrext”, “Den Boş”, “Jil Visente”, “Famalikao”, “Neymegen” klublarında oynamış forvardın klubla müqaviləsi iyulun 1-də başa çatacaq.
Rəşad Rafiqoğlu, Bizim.Media
