
- A-
- A
- A+
Rusiya Ukraynanın bu vilayətlərinə hücum etdi: Ölənlər və yaralananlar var - Foto
Rusiya ordusu sutka ərzində Ukraynanın müxtəlif bölgələrinə hücum edib. Nəticədə çoxsaylı yanğınlar baş verib, xəsarət alanlar var. Hücuma məruz qalan ərazilər arasında Poltava, Zaporojye və Xarkov vilayətləri də olub.
Bizim.Media xəbər verir ki, Poltava vilayətinin Fövqəladə Hallar üzrə Dövlət Xidmətinin məlumatına görə, Rusiyanın atəşi nəticəsində özəl müəssisənin ərazisində yanğın baş verib. Ölən və ya yaralananlar barədə məlumat daxil olmayıb.
Həmçinin noyabrın 18-i axşam saatlarında Rusiya ordusu Zaporojyeyə hücum edib. Nəticədə iki nəfər xəsarət alıb. Bu barədə Zaporojye vilayət hərbi administrasiyasının rəhbəri Mixail Semikin məlumat verib.
“Zərbələr nəticəsində üç fərdi yaşayış evində və bir avtomobildə yanğın baş verib”, – deyə o yazıb.
Məmurun sözlərinə görə, xəsarət alanlar kişi və qadındır.
Eyni zamanda, Zaporojye vilayəti Müdafiə Şurasının rəhbəri İvan Fedorov bildirib ki, Rusiyanın bölgəyə endirdiyi zərbələr nəticəsində sutka ərzində bir nəfər həlak olub, daha altı nəfər yaralanıb.
O əlavə edib ki, infrastruktur obyektlərinə, yaşayış evlərinə və avtomobillərə dəyən ziyanla bağlı ümumilikdə 104 müraciət daxil olub.
Xarkov vilayət hərbi administrasiyasının rəhbəri Oleq Sinequbov isə Rusiya qüvvələrinin Çuquyevi atəşə tutduğunu bildirib.
“Dəqiqləşdirilmiş məlumata görə, düşmənin Çuquyevdə pilotsuz uçuş aparatları ilə endirdiyi zərbələr doqquzmərtəbəli yaşayış binasına düşüb. İlk zərbə binanın texniki mərtəbəsinə dəyib, çardaqda baş verən yanğın söndürülüb. İkinci zərbə isə girişlərdən birinin 6-cı və 7-ci mərtəbələri arasındakı pilləkən qəfəsinə düşüb”, – deyə o vurğulayıb.
Onun sözlərinə görə, ümumilikdə dörd nəfər xəsarət alıb, daha beş nəfər binanın yuxarı mərtəbələrindən xilas edilib.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.




































































































