Clinical Gastroenterology and Hepatology jurnalında dərc edilən yeni araşdırmaya görə, yatmazdan əvvəl və ya şam yeməyindən sonra qəlyanaltı etmək qaraciyər xəstəlikləri riskini əhəmiyyətli dərəcədə yüksəldir.
Bizim.Media xəbər verir ki, alimlər təxminən 200 min insanın sağlamlıq vəziyyətini 16 ilə yaxın müddətdə izləyiblər.
Gec saatlarda qida qəbul edənlərdə qeyri-alkoqollu piyli qaraciyər xəstəliyi riski 36%, qaraciyər sirrozu riski isə 28% daha yüksək olub. Bu əlaqə yaş, diabet, fiziki aktivlik və bədən çəkisi indeksindən asılı olmayaraq özünü büruzə verib.
Gec yeməklər çəki artımına və insulinə həssaslığın pozulmasına səbəb olur ki, bunlar da qaraciyər üçün zərərli amillərdir.
Tədqiqatçılar hesab edirlər ki, yatmazdan bir neçə saat əvvəl kalori qəbulunu məhdudlaşdırmaq qaraciyərin sağlamlığını qorumağa kömək edə bilər.
Bizim.Media
