Putinin canlı qüvvə ehtiyatı tükənir - Kremlin Ukraynaya qarşı planı açıqlandı

Rusiya ordusunun döyüş meydanında irəliləyişində problemlər yarandığı və canlı qüvvə çatışmazlığı ilə üzləşdiyi bildirilir.

Bizim.Media xəbər verir ki, bunu istefada olan britaniyalı polkovnik Hamiş de Bretton-Qordon “The Telegraph” üçün yazdığı məqaləsində deyib.

Onun fikrincə, Kreml yeni genişmiqyaslı səfərbərliyin siyasi baxımdan təhlükəli olduğunu nəzərə alaraq, bu qış Ukrayna ordusunu məğlub edə bilməsə, Ukrayna xalqını sındırmağa, şəhərlərini isə dağıtmağa başlayacaq.

Ekspert Kiyevdəki mülki infrastruktura zərbələrin intensivləşə biləcəyini, xüsusilə Dnepr üzərindəki yeddi körpünün hədəfə çevriləcəyini vurğulayıb.

Onun sözlərinə görə, Kiyevin mühüm avtomobil və dəmir yolu qovşağı olması səbəbindən şəhərin iki hissəyə bölünməsi Ukraynanın şimalına ciddi təsir göstərəcək.

Bizim.Media