ABŞ Prezidenti Donald Tramp administrasiya nümayəndələrinə İranla danışıqları dayandırmağı tapşırıb.
Bizim.Media xarici mətbuata istinadən xəbər verir ki, bu barədə "CNN" telekanalı amerikalı rəsmi şəxsə istinadən məlumat yayıb.
ABŞ öz siyasi müttəfiqlərinə strategiyanın dəyişməsi barədə xəbərdarlıq edib. Belə ki, "İranı mümkün qədər tez darmadağın etmək" yanaşmasını zamanla "onu boğmaq" ideyası əvəzləyib.
Əgər bərpa olunan mərhələdə Tramp dəfələrlə danışıqların yaxşı getdiyini və yeni sazişin tezliklə bağlanacağını iddia edirdisə, indi amerikalı lider bu istiqamətdə heç bir diplomatik səyin olmadığını bildirir.
Telekanalın mənbələrinin məlumatına görə, Tramp kürəkəni Cared Kuşner, vitse-prezident Cey Di Vens və xüsusi elçi Stiv Vitkoffun da daxil olduğu danışıqlar komandasına Tehranla hər hansı təmasda olmamaq barədə göstəriş verib.
Bu qərar İranla "müsbət danışıqlardan" sonra verilsə də, mənbələr Trampın Tehranın onun tələblərinə güzəştə getməməsindən narazı qaldığını bildirirlər.
ABŞ lideri danışıqları bərpa etməzdən əvvəl İslam Respublikası rəhbərlərinin onun istədiyi sazişi bağlamağa hazır olduqlarını nümayiş etdirmələrini gözləmək niyyətindədir.
Xatırladaq ki, Tramp bir qədər əvvəl "Truth Social" hesabında ABŞ-nin İranla heç bir danışıq aparmadığını və planlaşdırmadığını yazmışdı.
Bizim.Media
